పరిమళం

ఎందరో మహానుభావులు, మరెందరో భావకవులు, భావుకులు ఎన్నెన్నో భావాలూ, కవితలు, కొటేషన్స్........ వాటితో పోలిస్తే నా భావాలు......... ఎంత............ ఆకాశం ముందు............ పిపీలికమంత అప్పుడప్పుడు ఏదైనా చదివినప్పుడు విన్నప్పుడు............... ఆ భావుకతకు.... గుప్పెడు మల్లెలు గుభాళించినట్లు మనస్సుప్పొంగుతుంది ఆ పరిమళాన్ని కొందరికైనా పంచాలని కాదు, కాదు, కొందరితోనైనా పంచుకోవాలని ఆశ............., ఆకాంక్ష

Sunday, November 16, 2008

ప్రియమైన శత్రువు

కన్ను తెరిస్తే జననం
కన్ను మూస్తే మరణం
రెప్పపాటే ఈ జీవితం
ఈ మధ్యనున్న కొద్ది కాలంలో
మన ఇద్దరి మధ్యా
అవసరమా ఈ యుద్ధం ?
అసలెన్నాళ్ళని ఈ మౌనం ?
ఏ అస్త్రంతో చేదించాలీ నిశ్శబ్దం ?
చిరునవ్వులు చిందించా?
మరుమల్లెలు సంధించా ?
నా ప్రియమైన శత్రువ్వి నువ్వైతే
ఓటమెరుగని సిపాయిని నేను ....