స్నేహం

*తెలుగురత్నగారు స్నేహం గురించి అభిప్రాయం రాయమంటే
నాకు తోచింది రాశా .మరి మీరూ నాతో ఏకీభవిస్తారా ?


*** శూన్య జీవన గమనంలో చైతన్య దీప్తి స్నేహం
జనన మరణాతీతమైన నిరంతర
అమృత ధార స్నేహం
ఈ నవ నాగరికతా గ్రీష్మంలో
శరత్ చంద్రిక స్నేహం

అలవి కాని ఆనందాన్నిచ్చినా
అంతులేని విషాదాన్నిచ్చినా
అనంతమైన ఐశ్వర్యాన్నిచ్చినా
ఆకలి తీరని పేదరికమిచ్చినా
వినమ్రుడనై స్వీకరిస్తాను
కాని ప్రభూ !
సంతోషాన్ని పెంచుకోవటానికి
బాధను పంచుకోవటానికి
ఒక్క మిత్రుడ్నివ్వు చాలు
శూన్య జీవన గమనంలో కూడా
అలుపెరుగక పయనిస్తా ........