Wednesday, June 17, 2015

ఎందుకిలా?


ఒకప్పుడు 
నువ్వు నాతో ఉన్నప్పుడు .... ఎప్పుడూ
నాపై ప్రేముందా నీకు అని..ఎంతుందో అని 

కొలమానాలతో ఉక్కిరిబిక్కిరౌతూ సంధిగ్ధత!
ఇప్పుడు
నువ్వు నాతో లేనప్పుడు.... ఎప్పుడూ 
గుర్తున్నానా నీకు అని..తలుస్తావా నన్నుఅని  
మనసును బలహీన పరుస్తూ సందేహం
ఎల్లప్పుడూ..... 
నా కనురెప్పల క్రింద నీ రూపం కరిగి
జారిపోతూంటే ఎదలో పొదువుకుంటున్నా
అపురూపంగా ఈ అశ్రువు సాక్షిగా.... 

Thursday, June 4, 2015

ఒంటరిని....


నేను ఒంటరినయినపుడు 
నా నీడవై నా వెంటే వున్నావు 
ఇప్పుడు నువ్వే నన్నొదిలి వెళ్ళావ్ 
నిన్నెంత కోల్పోయానో నీకెలా చెప్పను 
లిపిలేని భాషను ఎలా చూపను  
మౌనమే భాష్యమైతే ఎలా చెప్పను 
అది... చుస్తే.... 
నీ కంటిపాపలోనే  కనిపిస్తుంది 
వినాలంటే.... 
అది నీగుండె సవ్వడిలో వినిపిస్తుంది