Saturday, October 24, 2009

ఏడ తానున్నాడో మావ.....


బంగారు నామామ...ఏడ తానున్నాడో
అలకేమో నాపైన ....ఎందు దాగున్నాడో
రెండునాళ్ళాయే అగుపడకనాకు !
నాఎనక తనుజేరి తనవేళ్ళ చితుకులతో
నా ఒళ్ళు రాజేసి ఏమెరగనట్టుగా
జొర్రమొచ్చిందంటు మేలమాడిన మావ
మారిపోయేనీయాల ఏలనో
నీకైనా ఎరుకేనా ఎన్నెలమ్మా ?
ఇసుకతిన్నెంటి ఎదమీదతలవాల్చి
సేదతీరి జిలిబిలి కబురులు నేచెప్పుతుంటే
చిరపుంజి నేనంటూ నాసరి నువ్వంటూ
కోకల్లె నన్నుచుట్టుకున్న మావ
మారిపోయేనీయాల ఏలనో
నీకైనా ఎరుకేనా కోయిలమ్మా ?
గండుతుమ్మెదల్లె ఏ తోటకేల్లాడో
తోటలో పూలన్నీ నాసవతులయ్యేనో
నామోముజూడక అలిగె నామావ
తనజాడ తెలిసినా ఎక్కడగుపడినా
నాకబురు చెప్పవా ఓ చందమామా

17 comments:

  1. నాకెందుకో నండూరి వారి ఎంకి గుర్తొచ్చిందండీ..

    ReplyDelete
  2. పరిమళం గారు, నండూరివారి ఎంకిని మళ్ళీ గుర్తు చేసారండి. చాలా బాగుంది. ఇంతకి, మావ ఎందుకలిగాడో!

    ReplyDelete
  3. కొండగాలితిరిగింది, గుండె ఊసులాడింది కదమ్మ...
    అలా జాబిలమ్మతో కబుర్లు చెప్పడానికి వెళ్ళిన మామ..
    పరిమళాల గుబాళింపులు గుర్తొచ్చి మరలివస్తున్నారు చూడమ్మ..
    కలవరపడకని కబురంపెను కదా మామ, ఇంత బేల తనమేలనే భామ!:)

    ReplyDelete
  4. వావ్ పరిమళం గారూ క్లాప్ ..క్లాప్. చాలా బాగుంది.

    ReplyDelete
  5. భలే ఎంకి, ఎన్ని ధీర్ఘాలు తీసింది ;)
    టైప్ చేయలేను కానీ నా మనసిలా పోయినప్పటి నా వూసులివి ...

    నేనూ నండూరి ఎంకికేం తీసిపోను http://maruvam.blogspot.com/2009/03/blog-post.html
    మావో మనియాద పడకే! http://maruvam.blogspot.com/2008/12/blog-post_6490.html

    ReplyDelete
  6. అక్క అద్భుతం మీకు జాన పద భాష(దన్నెమంతారో నాకు తెలియదు) ఇంత బాగా వచ్చా...

    నండూరి వారి ఎంకి పాట అనుకున్నాను మొదట్లో...

    www.tholiadugu.blogspot.com

    ReplyDelete
  7. పరిమళం గారూ !
    మీలో జానపద గీత రచన పరిమళిస్తోంది. జానపద బాణీలు మర్చిపోతున్న రోజుల్లో, లేక చానల్స్ ద్వారా వ్యాపార ధోరణిలోకి మారిపోతున్న రోజుల్లొ మళ్ళీ జీవం పోసుకున్న జానపదాన్ని చూస్తున్నాను. ఇంకా మరిన్ని జానపద రచనలు మీ నుంచి వస్తాయని ఆశిస్తూ...

    ReplyDelete
  8. శతాధిక టపాలతో బ్లాగులందు పరిమళించినదీ బ్లాగు.

    చాలా బాగుంది మీ ఎంకి పాట.

    ReplyDelete
  9. ఈడనాడ సూడ ఏమి లాభమే యెంకి
    నీ మదినిండ మామేను అదినిండు ప్రేమేను... :)

    ReplyDelete
  10. wow chaalaa chaalaa baagumdi..paataki taggattu gaa bomma ...super anukomdi.

    ReplyDelete
  11. ఎంకి పాట చాలా చాలా బావుంది పరిమళ్ళం గారు

    ReplyDelete
  12. కాస్త నిర్లక్ష్యానికే ఉక్రోష పడిపోయిన మనసు రాసిన ఊసులు ! మీకందరికీ నచ్చినందుకు ధన్యవాదాలు .

    ReplyDelete