మోయలేని బాధ్యతగా ....
నువ్వొదిలిన వర్తమానంలో
పగిలిన నా హృదయాన్ని
అతికించుకోలేని నా అసహాయతనీ
వ్యక్తపరచలేని నా ఆవేదననీ
చెలమలౌతున్న నా కళ్ళనీ
దాచుకొని...తిరిగిరాని గతంలోని
ప్రతి మధురస్మృతినీ పదిలంగా మోస్తూ
గతించిన జ్ఞాపకాల చితిమంటల్లో
వెదుకుతున్నా ఇంకా ....మన ప్రేమని !!
వెతుకులాట ఎందుకు ప్రేమ కోసం
ReplyDeleteఉంది కదా అది హృదిలో వెల్లువై
ఎగసిపడనీ అలలను ఎత్తుగా
తడిసిపోనీ మదిని చల్లగా..
కడలివి నీవు
ReplyDeleteసాహసి నేను
ఎన్నిసార్లు ముంచినా
ఎదలోతుల శోధన నాపలేను
ఎన్నిసార్లు విసిరేసినా
అవతలి గట్టెక్కే వరకు ఈ(త) సాధన మానుకోను
కరుణిస్తావో-కాలానికే వదిలేస్తావో
నన్ను గెలిపించి గెలుస్తావో(విను విను విన్-విన్ లా)!
అగాధ జలధి అట్టడుగున సమాధి చేస్తావో!!
sadaa nee
snehaabhilaashi raki
బాగుందండీ
ReplyDeleteబాగుందండీ..కొంచెం విషాదంగా అనిపించింది.
ReplyDeleteపరిమళ గారు బాగుందండి ప్రేమ. కాని ప్రేమని ఇంత వెదికే ప్రయాస బాధనిపిస్తోంది.
ReplyDeleteబాగారాసారు!
ReplyDeleteఅయ్యో... బాధేసింది.. :-(
ReplyDeleteప్చ్.....మీరిలా విషాద కవితలు రాస్తే నాకు ఏం రాయాలో తోచదండీ...నిన్న అందుకే చదివి ఏం రాయాలో తోచక వెళ్పోయా....
ReplyDeleteపగిలిన హౄదయం పనికి రాదు
ReplyDeleteగడిచిని గతమూ తిరిగిరాదు
ఉప్పునీతి చెలమ దాహం తీర్చదు
మంట మిగిల్చేది ఏమి వుండదు ....ఇంత విరహమా ?
గతమంతా తీపి గురుతుల మయం
ReplyDeleteఅవిలేవని తెలిసాక ఆ భాధ మోయటం ఇబ్బందికరం
భవిష్యత్తు తాలూకు వర్తమానాన్ని సరయిన దారిలో తీసుకెళ్ళడం భాద్యతాయుతం
చక్కగా రాసారు
బాగుందండీ
ReplyDeleteహృదయం ముక్కలుగా పగిలేది,
ReplyDeleteపది మంది తొ పంచుకోవడానికేనేమో!?
వ్యక్రి కి పరిమిత మైన ప్రేమని, చరాచరానికి
అపరిమితంగా పంచడానికేనేమో..?!!
ప్రేమ కి రూపం లేదు. అది మనం ప్రేమించే వ్యక్తిగానో, మనని ప్రేమించే వ్యక్తిగానో మాత్రమే రూపుదిద్దుకుంటుంది. నేనూ ఒకప్పుడు అన్వేషించాను. తన ఆగమనం నా జీవితంలో జరిగే వరకు ఇలా..
ReplyDeleteనేనింకా నీ రాక కోసం వేచివున్నానని, నీవొచ్చే దారులు వెదుకుతున్నానని చెప్పాగా నీకు, ఇపుడూ
నేను వెదుక్కుంటున్నా ...
వెదుకులాటలోనే వున్నానని వుసూరుమంటూనేవున్నా
ఎందుకంటే ఎపుడూ వెదుక్కుంటునేవున్నా,
వెదికినవేవి నాకు దొరకవని గురుతుకీ రాదు మరి
వెదకాల్సినవింకేవీ లేవని ఆపేసిన క్షణం
మిగిలిన నన్ను నేను మళ్ళీ వెదుక్కోవాలని అనిపిస్తుంది,
నేను కనుక నాకు మళ్ళీ దొరికితే
ఈ సారి మాత్రం వెదకటాన్ని ఇంకెవరికైనా వీలునామా వ్రాసేయాలని.
వెతుక్కోవాల్సినవి మాత్రం వారు ఎంచుకోవాలని
నే వెతికినవేవీ ఈ లోకంలో ఇంకెక్కడా వుండవని
నా కెపుడోనే తెల్సిందని చెప్పటానికి మాత్రం మాటలు వెదుక్కుంటున్నా
ఆవి వినే మనిషి కొరకు మాత్రమే ఇపుడు వెదుక్కుంటున్నా
మరి చెస్తావా ఆ మాట నాకు, నే వెదుక్కున్నది నిన్నేనని?
ఇప్పుడే నాకొచ్చిన మీ కామెంట్ నుండి మీ ప్రొఫైల్ కి అక్కడ నుండి మీ బ్లాగ్ కి వచ్చి కొన్ని మంచి కవితలను చదివాను. బాగున్నాయండి మీ కవితలు. ముఖ్యంగా "చెలమలు" లాంటి పల్లె పదాలు విని, చదివి చాలా రోజులయ్యింది, మంచి కవితలకి, మీరు పంపిన కామెంట్స్ కి కృతజ్ఞతలు.
ReplyDeleteకవిత బావుంది. మీ బ్లాగ్ లో ఏదో స్టికీ ఫాక్టర్ ఉంది. బ్లాగ్ (టెంప్లేట్) థీమ్ చాలా హాయిగా ఉంది.
ReplyDelete@ వాసుగారు ! థాంక్స్ :) :)
ReplyDelete