నగుమోము కనలేని నాజాలి తెలిసి
కనులు మూయకనే స్వప్నమరుదెంచె
స్వప్నమందు చెలియ తానేతెంచెగాని
కన్నుకలపదాయే....పలుకరించదాయె
రేయిపగలు వేచిచూసిన ఘడియలు ...
మూతిముడుపులతోనే గడిచిపోయె
చిలకమడుపు సేవకై నేనెదురుచూస్తుంటె
తానేమొ దయలేక అలక పానుపునెక్కె
మాయలెన్నిచేసినా మొలకనవ్వే కరువాయె
మెట్టె సవరించినా కనికరించని చెలి
అదేమి మహత్యమో మరి !!
సిరిమల్లె పూలకే కరిగి కరుణించె...
సుప్రభాతవేళ కనులు తెరచి చూడ ..
కలకాని నిజం నాకళ్ళెదురుగానె !!
